شارع طويل و سكه حديد و عواميد نور و عربيات ركنه صف واحد بالطول, اشارات مرور و خطول ع الارض بتلف تدور, شباك و باب و اسرار بتستخبى جوه البيوت و بنت الجيران خلاص هتسافر و تفوت, قلبى حيران وسط ارقام البيوت
معاد بيتحدد و المكان هو المقصود, اقعد بالساعه و الاتنين و بسرعه بتعلق فى ثانيتين, بعشق جمال البنتين و عارف ان بعد كام يوم فى مكان بقعد فى بالساعه و الاتنين انهم هيروحوا و يفوتوا, قلبى حيران وسط ارقام البيوت
حلم برسمه و مصدقه, بنفذه و بحققه, عايشه و بطوره, فى المستقبل اكيد هعلنه, بس اخاف يروح و يفوت, قلبى حيران وسط ارقام البيوت
انا و نفسى و قاعده صلح, شاى و قهوه و دخان للصبح و ازازه حاجه ساقعه بتحاول تقنع نفسى انها تتجن و تصالحنى, تسمعنى و تكلمنى, اتأخرت عليها كتير و من طول الوقفه, ملت منى و راحت و فاتت, قلبى حيران وسط ارقام البيوت
فى كل مكان اعرف واحد و اتنين, بنت و ولدين, صحاب بجد, و فى مكان ابعد, اعرف واحد و اتنين, بنت و ولدين, مش صحاب و مش بجد, مهما العمر يطول, هيفضلوا صحاب ع طول, بس فى منهم بيروح و يفوت, قلبى حيران وسط البيوت
حبيبتى و كل كلام الاغانى و سيناريوهات الافلام, بسرعه الضوء مشاعرى كانت بتروح لها, يخربيت عقلها, ده الروح كانت هتطلع من عشقها, الحمد الله خلصت منها و راحت و فاتت, قلبى مش حيران وسط ارقام البيوت
ليست هناك تعليقات:
إرسال تعليق